ភ្នំពេញ៖ រោងជួសជុលរថយន្តមួយកន្លែង ត្រូវបានភ្លើងឆាបឆេះបំផ្លាញទាំងស្រុងជាមួយរថយន្តក្នុងរោងមួយចំនួនផងដែរ។ ហេតុការណ៍នេះកើតឡើងភូមិទួលថ្ងាន់ សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ នៅព្រឹកថ្ងៃអង្គារ៍ ទី៧ ខែកក្កដា ឆ្នាំ២០២២។

នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិបានឱ្យដឹងថា ករណីភ្លើងឆាបឆេះនេះបណ្ដាលមកពីឆ្លងចរន្តអគ្គីសនីចេញពីរថយន្តបង្កជាអគ្គិភ័យ។ ហេតុការណ៍នេះមិនបណ្ដាលឱ្យមនុស្សស្លាប់ ឬរបួសនោះទេ តែបានបំផ្លាញរោងជួសជុលរថយន្ត និងរថយន្តក្នុងរោងអស់ចំនួន៣គ្រឿង រួមមាន រថយន្តម៉ាក CRV មួយគ្រឿង, រថយន្តម៉ាក Lexus NX200T មួយគ្រឿង និងរថយន្តម៉ាក Tundra មួយគ្រឿង។

កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ បានប្រើប្រាស់រថយន្តការិយាល័យអគ្គិភ័យ ចំនួន ២២គ្រឿង ប្រើប្រាស់ទឹកអស់ ២២ រថយន្ត ស្មើរនឹង ៨៨ម៉ែត្រគូប ដើម្បីពន្លត់អគ្គិភ័យឆាបឆេះនេះ៕